काठमाडौं । नेपाल विद्यार्थी संघ (नेविसंघ ) ले त्रिभुवन विश्वविद्यालयको भीसी कार्यालय अगाडि होम हालेर विरोध प्रदर्शन गरेको छ।

आज बिहान  इन्जिनियरिङतर्फको स्नातक तह अध्ययनका लागि अस्वाभाविक रूपमा शुल्क बढाइएको भन्दै भीसी कार्यालय अगाडि नेवीसंघले विरोध प्रदर्शन गरेको हो।

नेविसंघले इन्जिनियरिङ अध्ययन संस्थानले गरेको शुल्क वृद्धि विरुद्ध र अनशनरत नेवीसंघ नेता सुलभ चापागाईँको जीवन रक्षाका लागि भीसी कार्यालय अगाडि होम हालेर साङ्केतिक विरोध जनाएको हो ।

मंगलबार मात्रै नेपाली कांग्रेसका महामन्त्री गगनकुमार थापा र सांसद चन्दा चौधरीले नेवीसंघको माग सम्बोधन गर्न संसदमार्फत सरकारको ध्यानाकर्षण गराइसकेका छन् ।