सोसल मिडिया
हाम्रो बारेमा
सम्पर्क
काठमाडौं । भारतको पश्चिम बंगाल राज्यमा भएको पञ्चायत निर्वाचनमा झडपपछि हिंसा भड्किंदा विभिन्न पार्टीका १६ जनाको ज्यान गएको छ ।
शनिबार भएको पञ्चायत निर्वाचनमा हिंसा हुनसक्ने आशंकामा १ लाख ३५ हजार बढी सुरक्षाकर्मी परिचालन गरिएपनि हिंसा हुँदा १६ जनाको ज्यान गएको बताइएको छ।
हिंसा हुँदा बम विष्फोट, गोली हानाहान, बुथमा तोडफोड र मतपेटिका लुटपाट हुँदा सुरक्षाकर्मी निरीह जस्तो देखिएका कारण यति ठुलो घटना भएको अन्तर्राष्ट्रिय समाचार संस्थाले जनाएका छन् ।
हिंसामा ज्यान गुमाउनेमा त्रिणमुल कांग्रेसका १० जना, भारतीय जनता पार्टीका ३ र भारतीय कम्युनिष्ट पार्टी ३ जना रहेका छन् ।
हिंसाका बीच शनिबार साँझ ५ बजेसम्म करिब ६६.२८ प्रतिशत मतदान भएको थियो । चुनावको नतिजा ११ जुलाईमा घोषणा हुनेछ ।हिंसाको दोष दलहरुले एकअर्कालाई लगाएका छन् ।
