काठमाडौँ ।आज प्रधानमन्त्री केपी शर्मा ओली बिमस्टेकमा भाग लिनका लागि थाइल्याण्ड प्रस्थान गरेका छन् । प्रधानमन्त्री ओलीलाई त्रिभुवन अन्तर्राष्ट्रिय विमानस्थलमा बिदाइ गरिएको हो ।

भोलि थाइल्यान्डका प्रधानमन्त्री पाइतोनगतार्न सिनावात्रासँग दुई पक्षीय भेटघाट गर्नुको साथै केही विषयवस्तुमा समझदारी पनि गर्नेछन् । प्रधानमन्त्री ओली अप्रिल ४ मा बिमस्टेकलाई सम्बोधन गर्नेछन् । 

अप्रिल २ मा बिमस्टेक सदस्यहरू राष्ट्रका उच्च अधिकारीहरूको बैठक बस्ने भने अप्रिल ३ मा विदेशमन्त्रीस्तरीय बैठक बस्ने बताइएको छ । 

प्रधानमन्त्री ओलीले उपप्रधान तथा सहरी बिकास मन्त्री प्रकाश मान सिंहलाई कार्यबहाक प्रधानमन्त्रीको जिम्मेवारी दिएका हुन् ।