नेपालगञ्जको प्रभात मेमोरियल स्कुलले मनायो २६ औं बार्षिकोत्सब

सोमबार, चैत ४, २०८१

नेपालगञ्ज । नेपालगञ्ज १० भृकुटीनगरस्थित प्रभात मेमोरियल हाइ स्कुलले आफ्नो २६औं बार्षिकोत्सब एवम् अभिभावक दिवस मनाएको छ । 

विद्यालय प्रांगणमा आइतबार आयोजित बार्षिकोत्सब एवम् अभिभावक दिवस कार्यक्रम विद्यालय सञ्चालक समिति सदस्य सुधांशु कोइरालाको अध्यक्षता एवम् विद्यालयका अध्यक्ष तप्त बहादुर पौडेलको प्रमुख आतिथ्यता तथा नेपालगञ्ज उपमहानगरपालिका शिक्षा महाशाखा प्रमुख गोर्ख बहादुर थापाको विशिष्ठ आतिथ्यतामा सम्पन्न भएको थियो । 

कार्यक्रममा विद्यार्थीहरुले कक्षागत रुपमा नृत्य प्रस्तुत गरेका थिए भने उपस्थित अतिथिहरुलाई स्वागत गीतमार्फत स्वागत गरिएको थियो । अध्यक्ष पौडेलले पानसमा दीप प्रज्ज्वलन गरेर उद्घाटन गरेको कार्यक्रममा उत्कृष्ट हाउस र विद्यार्थीहरुलाई विविध विधामा पुरस्कृत समेत गरिएको प्रिन्सिपल गौरव गिरीले बताए ।

कार्यक्रममा बोल्दै प्रमुख अतिथि पौडेलले विद्यालयले २६औं बर्ष पार गरिरहँदा बयश्क र परिपक्व बनिसकेको भन्दै समयसापेक्ष, जीवनोपयोगी र व्यवहारिक शिक्षा प्रदान गर्न अझै प्रखर ढंगले लाग्ने बताउनुभयो । यसमा अभिभावक, शिक्षक र विद्यालयको साझा पर्यत्नले प्रभावकारी भूमिका खेल्ने बताए । कार्यक्रममा विशिष्ठ अतिथि नेपालगञ्ज उपमहानगरपालिका शिक्षा महाशाखा प्रमुख गोर्ख बहादुर थापा, प्याब्सन बाँकेका अध्यक्ष विकास बज्राचार्य, नेपाल पत्रकार महासंघ बाँकेका अध्यक्ष नवीन गिरी लगायतले शुभकामना मन्तब्य ब्यक्त गरेका थिए ।


 
त्यसक्रममा विद्यार्थीहरुले विज्ञान प्रदर्शनी मार्फत ड्रोन, रोवट, भुकम्प सूचकयन्त्र, स्वाचालिक वटर डिस्पेशर तथा आफ्ना अन्य सीप र कलाको प्रदर्शनी समेत गरेका थिए ।

यसै विच विद्यालयले विद्यार्थीहरुको लेखन कला तथा चौतर्फी विकासमा बृद्धि गर्ने उद्देश्यले प्रभात वड नाममा पत्रिमा पनि प्रकाशन गरेकोछ । उक्त पत्रिकाको बिमोचन  विशिष्ठ अतिथी थापाले गरेका थिए । उक्त पत्रिकामा कक्षा १ देखि १२ सम्मका विद्यार्थीहरुको लेख तथा रचनाहरु प्रकाशित गरिएको थियो ।     

विद्यालय सञ्चालक सदस्य विक्रमराज विष्टले स्वागत मन्तब्य ब्यक्त गरेको कार्यक्रमको सञ्चालन शिक्षिका यमका सुवेदीले गरेकी थिइन्।

प्रकाशित मिति: सोमबार, चैत ४, २०८१  १२:१४
प्रतिक्रिया दिनुहोस्