काठमाडौं । अमेरिकी ट्रम्प सरकारले गैरकानुनी रुपले बसेका नेपालीलाई नेपाल फिर्ता पठाएको छ। अमेरिकामा कागजात बिना  गैरकानुनी रुपले बसेका १० जनालाई नेपालीलाई आज बिहान काठमाडौं ल्याएर छोडेको हो।

नेपालीलाई फिर्ता ल्याएको अमेरिकी चार्टर जहाज आज बिहाम १० बजे त्रिभुवन अन्तर्राष्ट्रिय विमानस्थलमा अवतरण गरेको हो। उक्त जहाज अमेरिकाको न्यु ह्याम्पसर राज्यको पोर्टसमाउथ अन्तर्राष्ट्रिय विमानस्थलबाट काठमाडौं अवतरण गरेको हो ।

ट्रम्प सरकारले गैरकानुनी रुपले बसेका आप्रवासलाई निष्कासन गर्ने नीति अनुसार आज १० जना नेपालीलाई काठमाडौं छोडिएको हो । यससहित ट्रम्पको आदेश अनुसार देश निकाला हुने नेपालीको संख्या ३७ पुगेको छ ।

यसअघि २७ नेपाली काठमाडौं फर्किएका थिए । तर अमेरिका सरकारले नेपालीलाई नेपालमै ल्याएर छोडिदिएको भने यो पहिलो घटना हो ।