नेपालगञ्ज । नेपाली कांग्रेसका महामन्त्री गगन कुमार थापा आज नेपालगञ्ज आउँदैछन् ।

पेशागत तथा बुद्धिजीवी विभाग नेपाली कांग्रेस र नेपाल डेमोक्रेटिक लयर्स एशोसियसनले आयोजना गरेको 'संविधान संशोधनः आवश्यकता र चुनौती' विषयक लुम्बिनी प्रदेश स्तरीय अन्तरक्रिया कार्यक्रमलाई सम्बोधन गर्न थापा नेपालगञ्ज आउन लागेका हुन् ।

नेपालगञ्जस्थित भेरी प्राविधिक शिक्षालयमा आज विहान ११ बजे उक्त कार्यक्रम आयोजना गरिएको पेशागत तथा बुद्धिजीवी विभाग लुम्बिनी प्रदेश प्रमुख लक्ष्मण पन्थीले बताए ।

थापालाई कांग्रेस नेता कार्यकर्ताले  नेपालगञ्ज विमानस्थलमा भब्य स्वागतको तयारी गरेका छन्। नेपाली कांग्रेस बाँकेले नेता तथा कार्यकर्ताहरुलाई बिमानस्थलमा उपस्थित भई महामन्त्री थापाको स्वागत गर्न आह्वान गरेको छ।