मोरङ । केपी शर्मा ओली नेतृत्वको सरकारले भ्रष्टाचारीलाई संरक्षण आएको आरोप नेकपा माओवादी केन्द्रका अध्यक्ष प्रचण्डले लगाएका छन् । 

आज विराटनगरमा पत्रकारसँगको कुराकानीमा अध्यक्ष प्रचण्डले वर्तमान सरकार भ्रष्टाचारीलाई संरक्षण गर्ने उद्देश्यले बनेको आरोप लगाएका हुन्।  प्रचण्डले भने-"आफ्नो पालाको सरकारले भ्रष्टाचारीलाई कारबाहीमा ल्याउने अभियान चलाएपछि त्यस्ता भ्रष्टाचारीलाई संरक्षण गर्न नेपाली कांग्रेस र नेकपा एमालेले सरकार बनाएका हुन् ।"

प्रचण्डले आफ्नो सरकारले सुरु गरेको त्यही सुशासन र भ्रष्टाचार विरोधी अभियानलाई राष्ट्रव्यापी रुपमा जनताको बीचमा लैजान जागरण अभियान सुरु गरेको बताउँदै सरकारलाई खबरदारी गरिरहेको बताए ।

यसबाहेक अभियानको अर्को उद्देश्य दक्षिण भेगमा रहेका आदिवासी जनताति, मधेशी, थारुको मुद्दा स्थापित गर्नू र राष्ट्रिय एकता सुदृढ गर्नु रहेको अध्यक्ष  प्रचण्डको भनाइ छ ।