नेपालगञ्जमा जब गुन्जियो शेखर दाइ हाई हाईको नारा.....

शनिबार, फागुन १०, २०८१

नेपालगञ्ज । नेपाली कांग्रेसका बरिष्ठ नेता डा. शेखर कोइरालालाई नेपालगञ्जमा भब्य स्वागत गरिएको छ ।

आज साँझ नेपालगञ्ज विमानस्थलमा ठूलो संख्यामा उपस्थित नेता कार्यकर्ताले कोइरालालाई भब्य स्वागत गरेका हुन् । कोइरालालाई स्वागत गर्न पुगेका कार्यकर्ताले 'शेखर दाई हाई हाई'भन्ने नारा पनि लगाएका थिए।

कोइराला नागरिक दैनिकले सोमबार नेपालगञ्जमा आयोजना गरेको 'म नागरिक म बनाउँछु नेपाल कार्यक्रममा मुख्य बक्ताका रुपमा निम्त्याइएका छन् ।

उनले आइतबार विहान ८ बजे पार्टी कार्यालयमा कार्यकर्ता भेटघाट कार्यक्रमलाई सम्बोधन गर्नेछन् भने दिउँसो कांग्रेसको राप्तीसोनारी गाउँपालिका सम्मेलनमा प्रमुख अतिथिका रुपमा रहनेछन् । 

विमानस्थलपछि नेपालगञ्जको स्टार लाइट होटलमा नेता कार्यकर्तालाई संक्षिप्तरुपमा सम्बोधन गर्दै कोइरालाले नेपालगञ्जमा देखाएको भब्य समर्थनका लागि धन्यवाद दिएका थिए । उनले आफूप्रति देखाएको सद्भाव र समर्थनले उत्साह थपेको बताए । 

प्रकाशित मिति: शनिबार, फागुन १०, २०८१  २२:४०
प्रतिक्रिया दिनुहोस्