कपिलवस्तु । अख्तियार दुरुपयोग अनुसन्धान आयोगको टोलीले घुस लिएको आरोपमा पक्राउ गरेका कपिलवस्तु अदालतका दुई कर्मचारी दोषी ठहर भएका छन् । 

अख्तियारले सेवाग्राहीसँग घुस लिएको आरोपमा पक्राउ परेका कपिलवस्तु अदालतका तहसिलदार सन्तोषकुमार मिश्र र कम्प्युटर अपरेटर विकास पाण्डेलाई विशेष अदालतबाट दोषी ठहर गर्दै कैद सजयाको फैसला गरेको हो।

सेवाग्राहीबाट २० हजार रुपैंया घुस लिएका स्रेस्तेदार  मिश्रलाई  विशेष अदालतले २ महिना कैद सजाय र १० हजार जरिवाना को फैसला सुनाएको छ भने कम्प्युटर अपरेटर  पाण्डेलाई १ महिनाको कैद सजाय र १० हजार जरिवाना सुनाइएको छ।

अख्तियारले उनीहरुले घुस लिएको २० हजार रुपैंया, घुस मागेको भिडियो र अडियो समेत मुद्दाका साथमा अदालत पेश गरेको थियो। अख्तियरका अनुसार मिश्रले मुचुल्का बदर गराउन माग गरेपछि कम्पुटर अपरेटर पाण्डे पनि घुसकाण्डमा सामेल भएका थिए।