सोसल मिडिया
हाम्रो बारेमा
सम्पर्क
काठमाडौं । उपत्यका अपराध अनुसन्धान कार्यालय गुण्डागर्दीविरुद्ध अपरेशन सुरु गरेको छ। जसअन्तर्गत काठमाडौंबाट प्रहरीले ७ जनालाई गुण्डागर्दी गरेको आरोपमा ७ जनालाई पक्राउ गरेको छ।
अपराध अनुसन्धान कार्यालयका अनुसार पक्राउ पर्नेमा सोमन मगर, मनोहर थापा, गोपाल मोक्तान, सुमन पराजुली, गुन बहादुर गुरुङ , रोशन तामाङ र रोनिस बरामु रहेका छन् ।
उनीहरू सातै जनालाई गुण्डागर्दीमा संलग्न रहेको आरोपमा पक्राउ गरिएको उपत्यका अपराध अनुसन्धान कार्यालय जनाएको छ। पक्राउ पर्नेहरुले सामाजिक सन्जालमा खुकुरी र तरवारले केक काटेको भिडिओ पोस्ट गरेका थिए। उनीहरुलाई बौद्ध क्षेत्रबाट पक्राउ गरेको प्रहरीले जानकारी दिएको छ।
प्रहरीले उनीहरुले समाजमा आतंक सृजना गरेर असुली धन्दा समेत गरिरहेको जनाएको छ । पक्राउ परेका उनीहरुविरुद्ध अपराध अनुसन्धान कार्यालय थप अनुसन्धान अगाडि बढाएको जानकारी दिएको छ।