काठमाडौं । सशस्त्र प्रहरी बल प्रमुख (आईजीपी) राजु अर्यालले सशस्त्र प्रहरीका उच्च अधिकृत तथा अधिकृतहरु आईजी एपीएफ कमेन्डेसन अवार्ड (ब्याज)ले सम्मानित गरेका छन् ।

आईजी एपीएफ कमेन्डेसन ब्याजबाट सम्मानित हुनेहरुमा सशस्त्र प्रहरी वरिष्ठ उपरीक्षक (एसएसपी) भुपेन्द्र केसी,प्रबिण कँडेल, युबराज अर्याल ,नरेन्द्र बम, ननिराम हुमागाइँ लगायत अन्य एसएसपीहरु रहेका छन् भने सशस्त्र प्रहरी उपरीक्षक (एसपी)  तर्फ यादव विश्वकर्मा, खुम केसी रहेका छन् ।

त्यसैगरी आईजी एपीएफ कमेन्डेसन ब्याजबाट सम्मानित हुने सशस्त्र प्रहरी नायब उपरीक्षक (डीएसपी) तर्फ समीर गौतम लगायत छन् ।

सशस्त्र प्रहरी संगठनले दिएको जिम्मेवारीलाई त्रुटीरहित ढंगले उत्कृष्ट कार्य गरेका कारण आईजीपी अर्यालले सशस्त्र प्रहरी वरिष्ठ अधिकृत तथा अधिकृतहरुलाई आईजी एपीएफ कमेन्डेसन ब्याजबाट सम्मान गरेका हुन् ।

सशस्त्र प्रहरी कार्यालयमा आयोजित विशेष समारोहमा आईजीपी अर्यालले बिल्लादार जवान तथा कार्यालय सहयोगीलाई समेत पुरस्कृत गरेका हुन् । सोही अवसरमा सशस्त्र प्रहरी प्रमुख अर्यालले  सशस्त्र प्रहरी निरीक्षक (इन्स्पेक्टर) र पदमा बढुवा भएकाहरुलाई दर्ज्यानी चिन्ह प्रदान गरेको सशस्त्र प्रहरी प्रधान कार्यालयले जनाएको छ।