काठमाडौं । तराई भेगमा शीतलहर र बाक्लो हुस्सुले अत्यधिक चिसो बढेपछि सशस्त्र प्रहरीले विभिन्न स्थानमा आगो ताप्ने व्यवस्था मिलाएको छ।

सशस्त्र प्रहरी सुनसरीस्थित सशस्त्र प्रहरी बल नं.४ गण र मातहतका कार्यालयहरुले जाडोबाट वचन स्थानीयहरुलाई आगो ताप्ने व्यवस्था मिलाएको सशस्त्र प्रहरी प्रधान कार्यालयले जानकारी दिएको छ।

विगत केही दिनदेखि हुस्सु, कुहिरो र शीतलहरसँगै बढेको चिसोले जनजीवन प्रभावित बनेपछि आजदेखि जिल्लाका विभिन्न स्थानमा दाउरा वितरण गरी आगो ताप्ने व्यवस्था मिलाइएको सशस्त्र प्रहरीले प्रधान कार्यालय जनाएको हो।