नेपालगञ्ज । नेपालगञ्जमा आजदेखि 'प्रादेशिक महोत्सव २०८१' सुरु हुँदैछ । नेपालगञ्ज उद्योग वाणिज्य संघको मुख्य आयोजनामा यही माघ २२ गतेसम्म कारकाँदोस्थित सडक विभाग परिसरमा प्रादेशिक महोत्सव सञ्चालन हुँदैछ ।

संघका अध्यक्ष टंक बहादुर धामीका अनुसार आज दिउँसो ३ बजे भब्य समारोहका बीच उद्घाटन गर्न लागिएको हो । महोत्सवको पूर्व प्रधानमन्त्री पुष्पकमल दाहाल प्रचण्डले उद्घाटन गर्दैछन् । 

उद्घाटन समारोहमा बाँकेबाट प्रतिनिधित्व गर्ने संघिय सांसद, प्रदेशका मन्त्री तथा सांसद, स्थानीय तहका जनप्रतिनिधि, उद्योग वाणिज्य महासंघका केन्द्रिय पदाधिकारी, वरिष्ठ उद्योगपति, ब्यापारी, समाजसेवी, नागरिक अगुवा लगायत विशिष्ट ब्यक्तिहरुको उपस्थिति रहनेछ । महोत्सव उद्घाटन गर्नु अघि बिहान ११ बजे संघको कार्यालय त्रिभुवन चोक पुर्वबाट झाँकीसहितको बृहत र्याली निकालिएको छ । झाँकी सुर्खेतरोड हुँदै महोत्सव स्थलमा पुगेर समापन हुने प्रवक्ता एवम महोत्सव प्रचार संयोजक डम्बर बहादुर चन्दले बताए ।

संघका अध्यक्ष धामीले उद्योग, व्यापार, कृषि, पर्यटन, जडिबुटी, रोजगार, सूचना प्रबिधि र पर्यटन व्यवसायिक उद्यमशाला तथा कला सँस्कृतिको प्रबद्र्धन गर्ने उद्देश्यले महोत्सव आयोजना गरिएको बताए ।