काठमाडौं । सुदूरपश्चिममा कार्यरत प्रहरीले आफैंलाई गोली हान्ने घटना बढ्दै गएका छन् ।  सोही क्षेत्र कञ्चनपुरमा कार्यरत एक  प्रहरी जवानले बुधबार राति पनि आफैंमाथि गोली हानेका छन् । 

सुदूरपश्चिम प्रदेश विपद् व्यवस्थापन गुल्ममा कार्यरत प्रहरी जवान वकिल बिष्टले आफैंमाथि गोली चलाएको जिल्ला प्रहरी कार्यालय कञ्चनपुरले जानकारी दिएको छ।

प्रहरीक अनुसार बुधबार राति  साढे ८ बजेको समयमा ड्युटीका रहेमा उनले आफैंमाथि एसएलआर राइफलबाट आफूलाई गोली हानेका थिए। आफूलाई गोली हानेको समयमा जवान बिष्ट  कोत गार्डको ड्युटीमा खटिएका थिए ।

कञ्चनपुर प्रहरीले दिएको जानकारी अनुसार गोली लागेर गम्भीर घाइते भएका जवान बिष्टलाई उपचारका लागि धनगढी लगिएको छ।