काठमाडौं । तस्कर समात्न मकवानपुरमा नेपाली सेनाले ५ राउन्ड गोली चलाएको छ। 

गैँडाको खाग तस्करलाई पक्राउ गर्न चितवन राष्ट्रिय निकुञ्जस्थित सेनाको टोलीले ५ राउन्ड हवाई फायर गरेको जिल्ला प्रहरी कार्यालय मकवानपुरले जानकारी दिएको छ।

आज मध्याह्नमा  हेटौँडा उपमहानगरपालिका-८ र वडा नम्बर ५ को मा ५ को गर्दौई र हेटौँडाको सिमानामा  तस्करलाई समात्न सेनाको टोलीले ५ राउन्ड हवाई फायर गरेको हो ।

सेनाले एक जना खाग तस्करलाई पक्राउ गर्न सफल भएको मकवानपुर प्रहरीले जनाएको छ। विशेष सूचना पाएर तस्करलाई पक्राउ गर्न गएको राष्ट्रिय निकुञ्ज र सेनाको टोलीलाई देखेर भाग्न खोजेपछि नियन्त्रणमा लिन सेनाले ५ राउन्ड गोलीले चलाएको प्रहरीले जानकारी दिएको छ।

सेनाले पक्राउ गरेको खाग तस्करको पहिचान भने खुलाइएको छैन ।