बाँके । १७ औं राष्ट्रपति रनिङ शिल्ड एवं ७ औं गाउँपालिका अध्यक्ष कप तथा दोस्रो आधारभूत तह वडा अध्यक्ष कप खेलाडी छनौट प्रतियोगिता २०८१ राप्तीसोनारी गाउँपालिका-७ मा सम्पन्न भएको छ।

राप्तीसोनारी-७ झगडिया गाउँस्थित श्री अमर ज्योति मा.वि.को आयोजनामा बुधबार  विद्यालय परिसरमा गरिएको उक्त प्रतियोगिताको लागि दौड तर्फ विभिन्न विद्यालयका छात्र-छात्रा छनौट भएका छन् । जसमा छात्रतर्फ राकेश थारु १०० मिटर दौडमा छनौट भएका छन् भने छात्रातर्फ कन्चन थारु छनिएकी छिन् ।

त्यसैगरी, छात्रतर्फको २ मिटर दौडमा राकेश थारु, छात्रातर्फ कन्चन थारु, ४ सय मिटर दौडमा छात्रतर्फ रिजुवान नाउ र छात्रातर्फ लिला बोहरा  छनौट भएका हुन् ।

लुम्बिनी प्रदेश सभा सदस्य कृष्णा केसी नमुनाको प्रमुख आतिथ्यतामा भएको कार्यक्रममा वडा नम्बर ७ का अध्यक्ष रामलखन थारुको विशिष्ट आतिथ्यता र सोही विद्यालय व्यवस्थापन समितिका अध्यक्ष दीपेन्द्र कुमार पाण्डेको अध्यक्षतामा सम्पन्न भएको थियो

वडा नम्बर ७ को आर्थिक  सहयोगमा आयोजित उक्त खेलाडी छनौट प्रतियोगितामा सयौं अभिभावक, शिक्षक, विद्यार्थी लगायत स्थानीयहरुको सहभागिता रहेको थियो।