लमही । दाङको लमहीबाट तुलसीपुरतर्फ आउँदै गरेको मोटरसाइकल दुर्घटना हुँदा ३० वर्षीय युवकको मृत्यु भएको छ भने मोटरसाइकल चालक सकुशल रहेका छन् ।

आज बिहान ४ बजे लमहीबाट तुलसीपुर जाँदै गरेको एआ ७ प ४९५४ नम्बरको मोटरसाइकल लमहीको रातोडाँडामा प्रहरीले राखेको ब्यारिकेडमा ठोक्किँएर दुर्घटना हुँदा मोटरसाइकलको पछाडि सवार तुलसीपुर-९ बेलुवाका ३० वर्षीय युवक लिलाराम डाँगीको मृत्यु भएको दाङ प्रहरीले जानकारी दिएको  छ।

प्रहरीका अनुसार सल्यानस्थित बगचौर नगरपालिका-३ घर भएर डाँगी तुलसीपुरको बेलुवा बस्दै आएका थिए।

प्रहरीले मोटरसाइकल चालक रोशन विकलाई नियन्त्रणमा लिएर थप अनुसन्धान सुरु गरेको जिल्ला प्रहरी दाङले जनाएको छ।