सुर्खेत । जुम्लाबाट आउँदै गरेको बस दैलेखमा दुर्घटना हुँदा ८ जना घाइते भएका छन् ।

जुम्लाबाट आज कैलालीको टीकापुर जाँदै गरेको ना४ख ६०५६ नम्बरको बस कर्णाली राजमार्ग अन्तर्गत दैलेखमा दुर्घटना भएको जिल्ला प्रहरी कार्यालय दैलेखले जानकारी दिएको छ।

आज साँझ ५ बजेतिर दैलेखको आठविस नगरपालिका-३ सिस्नेमा ब्रेक फेल भएर पहाडको भित्तामा ठोक्किँएर  दुर्घटनामा परेको दैलेख प्रहरीले जनाएको छ।

बस दुर्घटनामा घाइते भएका ८ जना यात्रुलाई उपचारका लागि अस्पताल पठाइएको प्रहरीले जनाएको छ। घाइतेहरुको नामको विवरण अझै आउँन बाँकी रहेको प्रहरीले जानकारी दिएको छ।