रसुवा । अवैध रूपमामा लुकाएर ल्याइदै गरेको २ किलो सुनसहित प्रहरीले एक युवकलाई पक्राउ गरेको छ।

रसुवाको कालिकाबाट अस्थायी प्रहरी चौकी ग्राङले २ किलो सुनसहित गोसाइँकुण्ड गाउँपालिका-३ का  ३४ वर्षीय कर्मा सोनाम लामालाई पक्राउ गरेको रसुवा प्रहरीले जानकारी दिएको छ।

बागमती प्रदेश-०२-०४३ प २४३४ नम्बरको मोटरसाइकलमा कालिकास्थानतर्फ जाँदै  गरेका सोनामललाई कालिका गाउँपालिका-१ कालिकामा चेकजाँच गर्दा जुत्तामा लुकाएर राखिएको सुनको बिस्कुट बरामद गरिएको जिल्ला प्रहरी कार्यालय रसुवाले जनाएको छ।

रसुवा प्रहरीले बरामद गरेको सुन र पक्राउ परेका सोनामलाई आबश्यक अनुसन्धानका लागि रसुवा भन्सार कार्यालय पठाइएको जनाएको छ।