सोसल मिडिया
हाम्रो बारेमा
सम्पर्क
धरान । डेङ्गुबाट धरानमा मात्रै ८ जनाको ज्यान गएको छ । यसबाट धरानमा मात्रै २ हजार ३५३ जनामा डेङ्गु पोजेटिभ देखिएको छ ।
धरानमा ३ हजार ९८१ जनाको परीक्षण गर्दा २ हजार ३५३ जना डेङ्गु सङ्क्रमित देखिएको धरान उपमहानगरपालिकाले जनाएको छ।
उपमहानगरका अनुसार परीक्षण गरिएका मध्ये ५९ प्रतिशतमा डेंगु देखिएको हो । यस्तै धरानको ११, १५, १७ र १८ नम्बर वडा बढी प्रभावित छन् ।
डेङ्गुबाट संक्रमण बढेपछि बीपी कोइराला स्वास्थ्य विज्ञान प्रतिष्ठान धरानमा १५० जनासम्म अट्ने गरी डेंगुको छुट्टै वार्ड सञ्चालन गरिएको छ । बीपीमा डेङ्गुका लागि छुट्टै क्लिनिक पनि सञ्चालन गरिएको छ ।
डेङ्गु नियन्त्रणका लागि धरानमा ‘सर्च एण्ड डिस्ट्रोय’ अभियान सञ्चालन भइरहेको छ। धरानमा २४० वटै टोल विकास संस्थालाई डेङ्गु नियन्त्रण अभियानमा प्रयोग गरिएको छ । अहिले डेङ्गुबाट विभिन्न जिल्लामा संक्रमित बढीरहेका छन् ।
