रौतहट  । सशस्त्र प्रहरीले दुई युवकलाई पेस्तोल र गोलीसहित पक्राउ गरेको छ। सशस्त्र प्रहरी रौतहटले कटहरिया नगरपालिका ३ का २६ वर्षीय  कमोद राम चमार र  ४४ वर्षीय  नेमालाल साह बानियालाई पेस्तोल र ३  राउन्ड गोलीसहित पक्राउ गरेको सशस्त्र प्रहरी रौतहटका एसपी विक्रम हुमागाईंले जानकारी दिएका छन् ।

सशस्त्र प्रहरीका अनुसार विशेष सूचनाको आधारमा सशस्त्र प्रहरीको ईन्टेलिजेन्ट ब्युरो र सशस्त्र प्रहरी नम्बर  ११ गण  रौतहटबाट गएको संयुक्त टोलीले शुक्रबार साँझ ज४ प नम्बरको मोटरसाइकल चेकजाँच गर्दा मोटरसाइकलमा सवार कमोद रामको साथबाट  ३ थान गोली र नेमालालको साथबाट नलकटुवा पेस्तोल बरामद गरेको हो।

सशस्त्र प्रहरीले यसबारेमा थप अनुसन्धान गर्न बरामद गरिएको पेस्तोल र गोलीसहित दुबै जनालाई सम्बन्धित कार्यालय बुझाएको जनाएको छ।