सोसल मिडिया
हाम्रो बारेमा
सम्पर्क
तुलसीपुर । दाङको तुलसीपुर उपमहानगरपालिका – ११ बेलगनारका युवा रुपलाल चौधरी (लालु) को मलेसियाको एयरपोर्टमा मृत्यु भएको छ ।
चार वर्षअघि मलेसिया गएका चौधरी आइतबार साँझ नेपाल फर्कने क्रममा कुवालालम्पुर एअरपोर्टमा लडेका थिए । लडेकै ठाउँमा मृत्यु भएको मलेसियामै रहेका उनका भाइ लोकमणि चौधरीले घर परिवार र आफन्तलाई सूचना दिएका छन् ।
बैदेशिक रोजगारीको सिलसिलामा चार बर्ष पहिले मलेसिया पुगेका उनका दुई छोरा रहेको गाउँकै भतिज नाता पर्ने घनश्याम चौधरीले जानकारी दिए ।
बोर्डिङ पास लिएर प्रतिक्षालयमा प्रतिक्षारत रुपलाल लडेपछि कहिलै नउठ्ने गरि अस्ताएका थिए ।
त्यहाँको अस्पतालले रुपलालको हृदयघातका कारण मृत्यु भएको जानकारी दिएको छ ।
