नेपालगन्ज । नेपालगन्जको पुष्पलाल चोकमा बसले स्कुटरलाई ठक्कर दिदा दुई जना घाइते भएका छन् । दुर्घटनाका एक घाइतेको अवस्था गम्भीर रहेको प्रहरीले जनाएको छ।

आज बिहान नेपालगन्ज-४ पुष्पलाल चोकमा कारकाँँदोतर्फ जाँदै गरेको सु.प.प्र.०१० प ९८५६ नम्बरको स्कुटरलाई सोही दिशातर्फ जाँदै गरेको बा.प्र.०१००६ ख ४५९६ नम्बरको बसले ठक्कर दिँदा स्कुटर चालक नेपालगन्ज-१२ कोरियनपुरका १७ वर्षीय अफ्जल हास्मी सुवेदी र स्कुटरको पछाडि सवार सोही स्थानकै १८ वर्षीय दमन बिक घाइते भएको जिल्ला प्रहरी बाँकेले जनाएको छ।

प्रहरीका अनुसार बिकको अवस्था गम्भीर रहेको छ भने उनको नेपालगन्ज मेडिकल कलेजमा उपचार भइरहेको छ।उनको टाउकोमा चोट लागेर आईसीयु मा उपचार हुँदै गरेको छ भने स्कुटर चालकको पनि उपचार भइरहेको प्रहरीले जनाएको छ।

जिल्ला प्रहरी बाँके ठक्कर दिने बस र चालकलाई नियन्त्रणमा लिएर थप अनुसन्धान सुरु गरेको जनाएको छ।