रौतहट। सशस्त्र प्रहरीले रौतहटबाट श्रोत नखुलेको लाखौं रुपैयाँसहित एक जना भारतीय नागरिकलाई पक्राउ गरेको छ।

सशस्त्र प्रहरी बल नंं.११ गण गौरबाट खटिएको टोलीले बौधिमाई गाउँपालिका-७ अरुवा खोला छेउ  नेपाल भारत सीमावर्ती स्थानबाट श्रोत नखुलेको दुई लाख ११ हजार ८४०  रुपैयाँसहित भारतको बिहार सितामढी जिल्ला बैरगनिया ३ असोगीका ३४ बर्षीय रबिन्द्र कुमारलाई पक्राउ गरेको सशस्त्र प्रहरीले जानकारी दिएको छ।

सशस्त्र प्रहरीले शुक्रबार साँझ रबिन्द्रलाई भारतबाट नेपाल आउँदै गर्दा चेकजाँच का क्रममा उनी सवार विआर ३० ए एफ ६९३९ नम्बरको मोटरसाइकलसहित पक्राउ गरेको हो।

सशस्त्र प्रहरी रौतहटले बरामद गरेको अवैध रुपैयाँ र नियन्त्रणमा लिइएको मोटरसाइकलसहित रबिन्द्रलाई आबश्यक कारबाहीका लागि गौर भन्सार कार्यालय बुझाएको जनाएको छ।