रुपन्देही । रुपन्देहीमा  सानीआमाको घरमा आएका एक बालकको डुबेर मृत्यु भएको छ भने अर्का एक बालक बेपत्ता भएका छन् ।

जिल्लाको बुटवल उपमहानगरपालिकास्थित तिनाउ नदीमा पौडी खेल्ने क्रममा सानीआमाकोमा आएका दुई बालकमध्ये एकको मृत्यु भएको छ भने अर्का एक बालक बेपत्ता भएको प्रहरीले जानकारी दिएको छ।

इलाका प्रहरी बुटवलका अनुसार पौडी खेल्ने क्रममा डुबेका १२ वर्षीय विवश खत्रीको केहीपर उनको शव फेला परेको र अर्का सैनामैना नगरपालिका -८ का बिप्रन पाण्डे बेपत्ता भएका छन् । उनीहरु दुबैजना दिदिबहिनीका छोराहरु हुन् । मृतक खत्रीको घर बागलुङको बरेङ हो।

उनीहरुसँँगै पौडी खेल्न गएका अर्का बालकले उनीहरु डुबेको देखेपछि आफन्तलाई खबर गरेका थिए। प्रहरीले नदीमा बेपत्ता भएका बिप्रनको खोजीकार्य जारी रहेको जनाएको छ।