सोसल मिडिया
हाम्रो बारेमा
सम्पर्क
सिरहा । सिरहाको एक पोखरीमा डुबेर दुई बालकको मृत्यु भएको छ।
जिल्लास्थित नरहा गाउँपालिका-३ खोरियाटोलका स्थानीय सुशील मण्डलका ६ वर्षीय छोरा राहुल र सुशीलका भान्जा ८ वर्षीय आशिष् मण्डलको पोखरीमा डुबेर मृत्यु भएको सिरहा प्रहरीले जनाएको छ।
प्रहरीका अनुसार सोमबार दिउँसोदेखि हराइरहेका दुई बालक मंगलबार स्थानीय एक व्यक्तिको पोखरीमा मृत फेला परेका हुन् । प्रहरीले दुई बालकको शवलाई पोस्टमार्टमका लागि प्रादेशिक अस्पताल सिरहा पठाएको जनाएको छ।
प्रहरीले घटनाबारे थप अनुसन्धान सुरु गरेको जानकारी दिएको छ।
