सोसल मिडिया
हाम्रो बारेमा
सम्पर्क
पोखरा । नेपाली कांग्रेसबाट गण्डकी प्रदेश सरकारको बनेका मुख्यमन्त्री सुरेन्द्रराज पाण्डेले विश्वासको मत पाएका छन् ।
मुख्यमन्त्री पाण्डेले आजको गण्डकी प्रदेश सभाको बैठकमा माओवादीको चिह्नबाट चुनाव जितेका फणिन्द्र देवकोटाले फ्लोरक्रस गरेपछि विश्वासको मत पाएका हुन् । पाण्डेका पक्षमा ३१ सांसदले विश्वासको मत दिएका हुन् ।
मुख्यमन्त्री पाण्डेलाई नेपाली कांग्रेससहित राप्रपाका २, माओवादी चुनाव चिह्नबाट विजयी नेपाल समाजवादी पार्टीका सांसद फणिन्द्र देवकोटा र मनाङबाट स्वतन्त्र चुनाव जितेर एकीकृत समाजवादी प्रवेश गरी फेरि स्वतन्त्र हैसियत मागेका राजीव गुरुङ (दीपक मनाङे) ले समर्थन गर्दै विश्वासको मत दिएका हुन् ।
मुख्यमन्त्री पाण्डेको विपक्षीमा एमालेका २२ र माओवादी ६ सहित २८ सांसदले मत हालेका छन् ।
