नेपालगन्ज । जिल्ला प्रहरी बाँकेले भारतबाट अवैध रुपमा ल्याइएको लत्ताकपडा र झण्डै डेढ क्विन्टल बोइलर कुखुराको मासु बरामद गरेको छ।

आज बाँके प्रहरीले अवैध रुपले नेपालगन्ज ल्याइएको २७ पिस कुर्ता सुरुवाल नेपालगन्ज-१ धम्बोझीबाट बरामद गरेको जनाएको छ। त्यसैगरी दुई जना  नागरिकसहित १ क्विन्टल ४० किलो बोइलर कुखुराको मासु बरामद गरेको जिल्ला प्रहरी बाँकेले जानकारी दिएको छ।

प्रहरीले अवैध कुखुराको मासुसहित भारतस्थित बहराईच बस्ने मोहम्मद ईसाहक र  नेपालगन्ज-८ का  समिर कुरेशीलाई पक्राउ गरेको छ।

जिल्ला प्रहरी बाँकेले बरामद गरिएको अवैध लत्ताकपडा र मासुसहित दुई जनालाई आबश्यक कारबाहीका लागि नेपालगन्ज भन्सार कार्यालय बुझाएको जनाएको छ।