काठमाडौं । सोमबारदेखि आयोजना हुने संयुक्त राष्ट्रसंघीय खाद्य प्रणाली शिखर सम्मेलनमा भाग लिन प्रधानमन्त्री आज साँझ इटली प्रस्थान गरेका छन् ।

प्रधानमन्त्री प्रचण्डसँगै कृषि तथा पशुपन्छी विकास मन्त्री डा. बेदुराम भुसाल, राष्ट्रिय योजना आयोगका सदस्य डा. जयकान्त राउत, सरकारका उच्च अधिकृतहरु, प्रधानमन्त्री सचिवालय सदस्यहरुको टोली पनि इटली गएको हो।

प्रधानमन्त्री प्रचण्डले अतिकम विकसित मुलुकको अध्यक्षको हैसियतमा सोमबार सम्मेलनको उद्घाटन सत्रलाई सम्बोधन गर्ने कार्यसूची रहेको छ। 

प्रधानमन्त्रीले 'युनाइटेड नेसन्स फुड समिट प्लस टु स्टकटेकिङ मोमेन्ट’ नामक शिखर सम्मेलनका लागि नेपाल सरकारका तर्फबाट प्रधानमन्त्री दाहालले औपचारिक रुपमा आफनो धारणा राख्ने कार्यक्रम रहेको छ । 

प्रधानमन्त्रीले  खाद्य प्रणाली परिवर्तनको एजेन्डाको सत्रमा पनि अध्यक्ष राष्ट्रको हैसियतमा सम्बोधन गर्ने कार्यक्रम रहेको छ । कार्यक्रम साउन ८ देखि १० गतेसम्म चल्नेछ। प्रधानमन्त्री ४ दिनपछि स्वदेश फर्कने कार्यक्रम रहेको छ।