चितवन । निगुरो टिप्न जंगल गएका एक पुरुष मध्यवर्ती सामुदायिक वनमा मृत फेला परेका छन् ।

पूर्वी चितवनमा निगुरो टिप्न गएका रत्ननगर नगरपालिका–६ का ७६ वर्षीय नवराज अधिकारीको जंगली जनावरको आक्रमणबाट मृत्यु भएको छ।

चितवन राष्ट्रिय निकुञ्जका सूचना अधिकारी गणेशप्रसाद तिवारीका अनुसार बिहीबार निगुरो टिप्न मध्यवर्ती सामुदायिक वन गएका अधिकारीलाई जनावरले आक्रमण गरेको हो । 

साँझ घर नफर्किएपछि आफन्तले खोजी गर्ने क्रममा अधिकारीको शव आज बिहान बाघमारा माध्यवर्ती सामुदायिक वनमा भेटिएको हो । शव परीक्षणका लागि भरतपुर अस्पताल ल्याइएको छ ।