सोसल मिडिया
हाम्रो बारेमा
सम्पर्क
काठमाडौं । ओमानमा जारी एसिसी प्रिमियर कपको तेस्रो खेलमा पनि नेपाल विजयी बनेको छ। आज भएको तेस्रो खेलमा नेपालले हङकङलाई ८ विकेटले पराजित गरेको हो। आज वर्षाका कारण १८ ओभरमा झारिएको खेलमा हङकङले दिएको ११५ रनको लक्ष्य पछ्याउँदै जवाफी ब्याटिङमा उत्रिएको नेपालले हङकङलाई ८ विकेटले पराजित गरेको हो।
टस हारेर पहिलो ब्याटिङ गरेको हङकङले सबै विकेट गुमाएर ११४ रन बनाएको थियो। जवाफी ब्याटिङ गरेको नेपालले १२.२ ओभरमा २ विकेट गुमाउँदै ११७ रन वनायो।
नेपालका लागि आशिफ शेखले सर्वाधिक ४० रन बनाए भने कुशल भुर्तेलले ३२ रन बनाए। त्यस्तै रोहित पौडेलले २५ र सन्दीप जोरले १९ रन बनाए। हङकङका एहसान खान र यासिम मुर्तजाले १-१ विकेट लिए। हङकङका लागि अन्से राठले सर्वाधिक ३४ रन बनाएका थिए। नेपालका अबिनाश बोहराले ३ तथा ललित राजवंशी र दीपेन्द्रसिंह ऐरीले २- २ र करण केसीले १ विकेट लिए।
नेपाल लगातार पहिलो खेलमा मलेसियालाई ५ विकेट र कतारलाई ३२ रनले पराजित गरिसकेको छ।
नेपाल रहेको समूह ए मा कतार, साउदी अरेबिया , हङकङ र मलेसिया छन् । त्यस्तै समूह बी मा ओमान, यूएई,कम्बोडिया र बहराइन छन् ।
नेपालले अम्तिम खेल वैशाख ५ गते साउदी अरेबियासँग खेल्नेछ।
दुबै समूहबाट शिर्ष दुई टोली सेमिफाइनलमा प्रवेश गर्नेछन् भने फाइनल विजेता राष्ट्र आगामी एसिया कपमा सिधै छनौट हुनेछ।
नेपाली टोलीमा रोहित पौडेल (कप्तान ) कुशल भुर्तेल, आशिफ शेक, कुशल मल्ल, दीपेन्द्रसिंह ऐरी, विवेक यादव , अनिल साह, सन्दीप जोरा, गुल्शन झा, करण केसी, सोमपाल कामी, ललित राजवंशी, अभिनाश बोहरा र प्रतिश जिसी रहेका छन्।
