सोसल मिडिया
हाम्रो बारेमा
सम्पर्क
काठमाडौं । उपप्रधान तथा गृहमन्त्री रवि लामिछानेले अपराधीलाई कारबाही गर्न प्रहरीले कसैको आदेश कुर्न नपर्ने बताएका छन् ।
आज सामाजिक सन्जाल फेसबुकमा लेख्दै गृहमन्त्री लामिछानेले देशको कुनै पनि भागमा कुनैपनि ब्यक्ति वा समुहले गैरकानुनी काम गरेको छ भने कारबाही गर्न आफ्नो वा कसैको आदेश कुर्न नपर्ने निर्देशन दिएका छन् ।
यदि कसैले समाजमा गैरकानुनी धन्दा चलाएको छ वा कर छली गरेको छ अथवा गुण्डागर्दी, धाक-धम्की, तस्करी लगायतका अपराध गरेको छ भने त्यस्तालाई तत्काल कारवाही गर्न गृहमन्त्रीले निर्देशन दिएका हुन् ।
'त्यस्ता गलत गर्नेलाई ऐन पल्टाएर कानुनी राज्य भनेको के हो' भनेर देखाउन गृहमन्त्रीले भने। प्रहरी कर्मचारीले गृहमन्त्रीलाई भन्दा गृहमन्त्रीले नै प्रहरीलाई सलाम गर्ने गरि काम गर्न निर्देशन दिएका हुन् ।
यस्तो छ उनको अपिल-
देश भरका सम्पुर्ण राष्ट्रसेवक प्रहरीहरु लाई मेरो अपिल:
देशको कुनै पनि भागमा कुनैपनि ब्यक्ति वा समुहले गैरकानुनी काम गरेको छ, गैरकानुनी धन्दा चलाएको छ,कर छली गरेको छ, गुण्डागर्दी, धाक धम्की, तस्करी लगायतका अपराध गरेको छ भने त्यसलाई कारवाही गर्न मेरो वा कसैको आदेश कुर्नु पर्दैन। ऐन पल्टाउनुस् र देखाइदिनुस् कानुनी राज्य भनेको के हो। तपाईंले मलाई होइन मैले तपाईलाई सलाम गर्ने गरि काम गर्नुहोस् । मेरो शुभकामना छ। जय नेपाल ( पार्टी वाला होइन, देश वाला)!!
