डडेल्धुरा । डडेल्धुरामा आगो ताप्ने क्रममा निसास्सिएर सासू बुहारीको मृत्यु भएको छ। 

अमरगढी-१ मा  आगो ताप्ने क्रममा निसास्सिएर एउटै कोठामा सुतेका सासू र बुहारीको मृत्यु भएको प्रहरीले जानकारी दिएको छ।

गएराति एउटै कोठामा  चिसो छल्न आगो बालेर सुतेका  अमरगढी नगरपालिका–१ मालम बस्ने ६० वर्षीया धौलीदेवी दियाल र २६ वर्षीया पुनम दियालको  आगोको कोइलाका कारण निसास्सिएर मृत्यु भएको जिल्ला प्रहरी कार्यालयले डडेल्धुराले जनाएको छ।

बेहोस अवस्थामा फेला परेका दुवैलाई घरपरिवार र आफन्तको सहयोगमा आज बिहान अस्पताल पु¥याइ पनि अस्पतालमा चिकित्सकले मृत घोषणा गरेका थिए । घटना बारे प्रहरीले  थप अनुसन्धान गरिरहेको  जनाएको छ ।