नेपालगन्ज ।अवैध तस्करीविरुद्द खरो रुपमा धावा बोल्दै आएको जिल्ला प्रहरी कार्यालय बाँकेले भन्सार छली गरेर नेपालगन्ज ल्याइदै गरेको ठुलो परिमाणको अवैध सामाग्रीसहित ५ जनलाई नियन्त्रणमा लिएको छ।

बाँके प्रहरीबाट प्रहरी वरिष्ठ नायब निरीक्षक सुशील रावलको नेतृत्वमा गएको टोलीले आज बिहान भारतबाट भन्सार छली गरेर ल्याइएको अवैध कुर्ता सुरवाल लगायतको सामाग्री र तस्करीमा प्रयोग गरिएको एउटा भारतीय नम्बर प्लेटको मोटरसाइकल  र साइकलसहित अवैध तस्करीमा संलग्न ५ जनालाई  पक्राउ गरेको जनाएको छ।

बाँके प्रहरीको टोलीले सामाग्रीसहित उनीहरुलाई नेपालगन्ज-१२ बाट पक्राउ गरेको जानकारी दिएको छ। बरामद गरिएको २ लाख २५ हजार २ सय रुपैयाँ बराबरका अवैध सामाग्री, मोटरसाइकल , साइकलसहित पक्राउ परेका ५ जनालाई आबश्यक कारबाहीका लागि नेपालगन्ज भन्सार कार्यालय बुझाइएको जिल्ला प्रहरी कार्यालय बाँकेले जनाएको छ।

यतिबेला बाँके प्रहरीको कमाण्ड सम्हालिरहेका प्रहरी उपरीक्षक (एसपी) सुवासचन्द्र बोहरा तस्करीविरुद्द खरो रुपमा उत्रदै आएका छन् । अवैध गतिविधि र  तस्करीविरुद्द कुनै सम्झौता नगर्ने बताउँने एसपी बोहरा बाँकेको समग्र शान्तिसुरक्षाप्रति निकै कतिवद्द्द भएर लाग्दै आएका छन् ।