काठमाडौं । साउथ अफ्रिकामा जारी एक दिवसीय यू-१९ विश्वकप क्रिकेटमा अज नेपाल अफगानिस्तानविरुद्द खेल्दैछ।

समूह 'डी' मा रहेको नेपालले समूह चरणको आफ्नो अन्तिम खेल  अफगानिस्तानसंग खेल्न लागेको हो। आजको खेल नेपालले जित्नै पर्ने छ। नेपालले आजको खेल जितेमा सुपर सिक्समा पुग्नेछ।

यसअघि न्यूजिल्याण्ड र पाकिस्तानसंग पराजित भएको नेपाललिइ आजको अफगानिस्तानविरुद्दको खेलमा डु अर डाईको अवस्था छ।

अफगानिस्तान पनि यसअघिका दुबै खेलमा  न्यूजिल्याण्ड र पाकिस्तानसंग पराजित हुँदा उसलाई पनि नेपालकै अवस्था रहेको छ। आजको विजेता टोली सुपर सिक्स र पराजित हुने टोलीले १३ देखि १६ औं स्थानको लागि प्लेअफ खेल्नुपर्ने हुन्छ ।

आज दिउँसो नेपाली समय अनुसार १:४५ बजे हुने खेल हुनेछ। 

साउथ अफ्रिकामा जारी यस विश्वकपमा अमेरिका, बंगलादेश, भारत, आयरल्याण्ड , स्कटल्याण्ड, दक्षिण अफ्रिका, वेस्टइन्डिज र इङल्याण्ड , जिम्बावे, नामिबिया, अस्ट्रेलिया, श्रीलंका , नेपाल, पाकिस्तान, अफगानिस्तान र न्यूजिल्याण्ड सहभागी छन् ।