रुपन्देही  । रुपन्देहीमा सात वर्षीया बलिकाको हत्या भएको छ। जिल्लाको मर्चवारी गाउँपालिका-१ इस्लामपुरमा स्थानीय सात वर्षीया नन्दनी कुर्मीको हत्या भएको रुपन्देही प्रहरीले जानकारी दिएको छ।

उनको शव मर्चवारी-१ इस्लामपुरमा आज फेला परेको प्रहरीले जनाएको छ।

नन्दनी शुक्रबारदेखि हराइरहेकी थिइन् । जिल्ला प्रहरी कार्यालयका प्रवक्ता एवं प्रहरी नायव उपरीक्षक मनोहर भट्टका अनुसार कुर्मीको हत्या भएको प्रारम्भिक अनुसन्धानबाट खुलेको छ । 

हत्यामा संलग्न रहेको आशंकामा प्रहरीले एक जनालाई नियन्त्रणमा लिएको छ । घटनाबारे  अनुसन्धान भइरहेको प्रहरीले जानकारी दिएको छ।