नेपालगन्ज। जिल्ला प्रहरी बाँकेले चोरी भएको मोटरसाइकलसहित एक जनालाई पक्राउ गरेको छ। 

बाँके प्रहरीको टोलीले गत मंसिर ५ गते राती सवा १० बजे नेपालगन्ज-५ जडिबुटी कार्यालय नजिकबाट चोरी भएको भे ६ प २४७७ नम्बरको मोटरसाइकलसहित राप्तीसोनारी गाउँपालिका-६ का सागर भनिने रामबहादुर सुनारलाई पक्राउ गरेको जनाएको छ।

प्रहरीलाई उक्त मोटरसाइकल चोरी भएको सूचना आए पश्चात् खोजतलास गर्ने क्रममा सुनारलाई पक्राउ गरिएको जिल्ला प्रहरीले जानकारी दिएको छ।

"मंसिर ५ गते राती चोरी भएको उक्त मोटरसाइकलको खोजतलास गरेझै यसअघि चोरी भएका मोटरसाइकल  र चोरी गर्ने गिरोहलाई पक्राउ गर्न सफल भएको भए सायद अन्य मोटरसाइकल चोरी हुने थिएन होला" चोरी भएको मोटरसाइकलका एक धनी दुर्गा शाहीले बताए।

चोरी भएका मोटरसाइकल धनीहरु भन्छन् -' प्रहरीको यस्तो सुस्त गतीले अरु चोरी भएका मोटरसाइकल कहिले फेला पर्लान।'

केहीदिन अघिसम्म नेपालगन्जमा दैनिक मोटरसाइकल चोरी हुँदा बाँके प्रहरीको चौतर्फी आलोचना हुँदै आएको छ।