काठमाडौँ । आज बल्खुमा मेडिकल व्यवसायी दुर्गा प्रसाई समूहको प्रदर्शनका क्रममा झडप हुँदा २६ जना घाइते भएका छन् । 

प्रसाईं समूहले जुलुसलाई बल्खुबाट कालीमाटीतर्फ लैजान खोजिएपछि प्रहरीले बल प्रयोग गरेको थियो  ।सो क्रममा प्रहरी र प्रदर्शनकारीबीचको झडपमा २६ जना घाइते भएका हुन् । झडपमा परी एक जनाको अवस्था गम्भीर छ।

प्रहरीको बल प्रयोगबाट चिरञ्जीवी बस्नेतसहित २६ जना घाइते भएका राष्ट्र, राष्ट्रियता, धर्म, संस्कृति र नागरिक बचाउ महाअभियानका प्रवक्ता राजानन्द माण्डब्यले बताए । 

उनीहरूको वयोधा हस्पिटलमा उपचार भइरहेको छ ।