सोसल मिडिया
हाम्रो बारेमा
सम्पर्क
सिरहा । सिरहाको लहानबाट सशस्त्र प्रहरीले आधुनिक पेस्तोलसहित ३ जनालाई पक्राउ गरेको छ।
सशस्त्र प्रहरीको टोलीले चेकजाँच का क्रममा सोमबार साँझ लहान नगरपालिका-१ सिङ्गराहीमा स९प ४९७१ मोटर साइकलमा सवार ३ जनालाई ९ एमएमको आधुनिक पेस्तोलसहित पक्राउ गरेको सशस्त्र प्रहरीले जानकारी दिएको छ।
सशस्त्र प्रहरीका अनुसार पेस्तोलसहित पक्राउ पर्नेहरुमा सप्तरीको सुरुङ्गगा नगरपालिका-८ का ३२ वर्षीय अनिल राम, सुरुङ्गगा- ५ का ३० वर्षीय जिबान्नद चौधरी र सप्तरीकै खड्क नगरपालिका-४ का ३५ वर्षीय कासंजयप्रसाद चौधरी रहेका छन् ।
सशस्त्र प्रहरीले पक्राउ परेकाको साथबाट ९ एमएमको एउटा पेस्तोल, एउटा म्याग्जिन, २ थान गोली, नगद एक लाख ८४ हजार २५३ रुपैयाँ, चार थान मोबाइल सेट र विभिन्न कम्पनीको ४ लाख ६४ हजार ५ सय मूल्य बराबरको रिचार्ज कार्ड बरामद गरेको सशस्त्र प्रहरीले जनाएको छ।
सशस्त्र प्रहरीले पक्राउ परेकाहरुलाई आबश्यक अनुसन्धानका लागी नेपाल प्रहरीलाई बुझाएको बताएको छ।
