सोसल मिडिया
हाम्रो बारेमा
सम्पर्क
नेपालगन्ज । सशस्त्र प्रहरीले बाँकेबाट भारतबाट अवैध रुपमा ल्याइएको ठुलो परिमाणको प्रतिवन्धित पटाका बरामद गरेको छ।
सशस्त्र प्रहरीको नेपालगन्जस्थित बिओपी कालाबन्जारबाट सशस्त्र प्रहरी नायब निरीक्षक जीवन पौडेल कमाण्डमा खटिएको टोलीले डुडुवा-६ भंगोटना नाकाबाट आज दिउँसो ३:२० बजे करिब ४० हजार रुपैयाँ बराबरको पटाका बरामद गरेको छ।
सशस्त्र प्रहरीका अनुसार बरामद गरिएका पटाकामा अति विस्फोटक सुतरी बम, चकरी , अनार , चकलेट बम लगायतका अन्य विस्फोट पटाका रहेका छन् ।
सशस्त्र प्रहरीले बरामद गरेका सबै प्रतिवन्धित पटाकाहरुलाई आजै इलाका प्रहरी कार्यालय हिरमिनियाका प्रहरी कर्मचारी , सशस्त्र प्रहरी बल बिओपी कालाबन्जारका सशस्त्र प्रहरी कर्मचारी लगायत पत्रकारको उपस्थितिमा बिओपी कालाबन्जार परिसरमा नष्ट गरिएको सशस्त्र प्रहरीले जानकारी दिएको छ।
