सोसल मिडिया
हाम्रो बारेमा
सम्पर्क
काठमाडौँ । नेपाली कांग्रेसले जाजरकोट र रुकुम पश्चिमका भूकम्प पीडितहरुका लागि ५० लाख रुपैयाँ दिने भएको छ।
कांग्रेसले भूकम्पमा परी भएको मानवीय क्षति, भौतिक क्षति र सयौँ घाइते भएको घटनाले समस्त नेपालीलाई मर्माहत र दुःखी बनाएको भन्दै यस्तो समयमा सरकार, राजनैतिक दलहरु, संघ–संस्था सबै एक भएर यो विपत्तिको सामना गर्न अपील गरेको छ ।
कांग्रेसले यसै क्रममा भूकम्प पीडितहरुको उद्धार, राहत र पुनःस्थापनाका लागि ५० लाख रुपैयाँ सरकारलाई उपलब्ध गराउने निर्णय गरेको छ ।
स्वदेश र विदेशमा रहेका सबैलाई तन, मन र धनका साथ खुला हृदयले मानवीय सेवाको अभियानमा जुट्न कांग्रेसले अपीलसमेत गरेको छ ।
