सोसल मिडिया
हाम्रो बारेमा
सम्पर्क
काठमाडौँ । सत्तारुढ दल नेपाली कांग्रेसका सांसद सञ्जय गौतमले प्रतिनिधि सभाको बैठकको शून्य समयमा मौनधारण गरेका छन् ।
सांसद गौतमले बोल्ने पालो आउँदा उनले आफ्नो समयको एक मिनेट मौन धारण गरेका हुन् ।
शून्य समय एक सांसदका लागि एक मिनेट हो र सांसद गौतमले त्यही एक मिनेट मौनधारण गरेर टुंग्याए । उनले आफूले आफ्नो निर्वाचन क्षेत्र बर्दियाको विषयसहित उठाएका अन्य विषय सरकारले नसुनेको भन्दै सांकेतिक रुपमा मौनधारण गरेर सरकारको विरोध गरेका हुन् ।
सांसद गौतम तिनै सांसद हुन् जसले गत जेठ महिनामा आफ्नो निर्वाचन क्षेत्रमा पटकपटक आवाज उठाउँदा पनि पुल निर्माण नभएको भन्दै पुलमुनि गएर अनसन नै बसेका थिए ।
सरकारले सहमति गरेर अनसन तोडाएको थियो। तर पुष्पकमल दाहाल प्रचण्ड नेतृत्वको सरकारले सहमतिको कार्यान्वयन नगरेको उनको आरोप छ।
