झपा। झापाको एक मन्टेश्वरीमा सेप्टि ट्याङ्कीमा बालकको डुबेर मृत्यु भएपछि प्रहरीले तीन जनालाई पक्राउ गरेको छ।

मेचीनगर नगरपालिका-१० स्थित ‘सानो साथी किन्डर गार्टेन’ मन्टेश्वरीमा सोमबार नर्सरीमा अध्ययनरत तान्छोपहाङ लिम्बूको मृत्युका कारण मन्टेश्वरीका तीन जनालाई प्रहरीले पक्राउ गरेको जनाएको छ।

प्रहरीका अनुसार पक्राउ पर्नेमा  मन्टेश्वरीका प्रिन्सिपल मेचीनगर-११ का ४५ वर्षीय मनोज गुरुङ र ३५ वर्षीया संयोजक  रमा सुनार र मेचीनगर–१० की २४ वर्षीया कर्मचारी अनिसा पोखरेल रहेका  छन् ।

मन्टेश्वरीका सञ्चालक काठमाडौँ-३१ निवासी ४२ वर्षे सुरेन रसाइली भने फरार रहेको प्रहरीले जनाएको छ ।

मृत बालकको शव हाल बीएन्डसी अस्पतालमै राखिएको छ । प्रहरीले घटनाबारे थप अनुसन्धान गरिरहेको जनाएको छ।