काठमाडौं । आज बिहान सोलुखुम्बुबाट काठमाडौं उडेको मनाङ एयर हेलिकप्टर दुर्घटनामा ६ जनाकै मृत्यु भएको छ। 

आज बिहान  पाइलट चेतबहादुर गुरुङले सोलुखुम्बुबाट मेक्सिकन नागरिकहरु लिएर काठमाडौं उडेको एनए-एमभी कलसाइनको मनाङ एयरको हेलिकप्टर दुर्घटनामा सबैको मृत्यु भएको जिल्ला प्रहरी कार्यालय सोलुखुम्बुले जनाएको छ। 

आज बिहान १० बजेर १ मिनेटमामा सम्पर्कविहिन बनेको उक्त जहाज लिखुपिके -१ लाम्जुरापास क्षेत्रमामा दुर्घटना भएको हो।

हेलिकप्टर रुखमा ठोक्किएर दुर्घटना भएको देखिन्छ।  शव टुक्राटुक्रा अवस्थामा छन् , शवहरु जलेको हुँदा पहिचान गर्नै मुस्किल भएको प्रहरीले जानकारी दिएको छ।

अहिले शवहरु संकलन गर्ने कार्य भइरहेको प्रहरीले बताएको छ। घटनास्थलतर्फ अहिले नेपाल प्रहरीका डीएसपी दीपक श्रेष्ठ र नेपाली सेनाको टोली गइरहेको छ।