पश्चिम नवलपरासी । पश्चिम नवलपरासीमा करेन्ट लागेर एक जनाको मृत्यु भएको छ।

जिल्लाको रामग्राम नगरपालिका -७  उजैनीका जय प्रकाश यादवले आज बिहान ६ बजे  आफ्नै घर अगाडिको पोलको बत्ती निभाउने क्रममा करेन्ट लागेर गम्भीर घाइते भइ उपचारका क्रममा मृत्यु भएको नवलपरासीका प्रहरी प्रवक्ता डीएसपी रेशम बोहराले जानकारी दिएका छन् ।

करेन्ट लागेर गम्भीर घाइते अवस्थामा रहेका यादवलाई उपचारका लागी परासीस्थित पृथ्वीचन्द्र अस्पतालमा पुर्याएपनी चिकित्सकहरुले उनलाई मृत घोषणा गरेको डीएसपी बोहराले बताए।

प्रहरीले घटना बारे थप अनुसन्धान गरिरहेको जनाएको छ।