झापा। झापाम एकाबिहानै एक जना पुरुषले आत्मदाह गरेका छन् ।  गौरादह नगरपालिका-१ गौरादह बजारका स्थानीय रोशन शाहले आत्मदाह गरेको प्रहरीले जनाएको छ।

गौरादह नगरपालिका- १ बजार घर भएका सत्य नारायण शाहका करिब ३६ वर्षीय छोरा शाहले आफैँले आफ्नो शरीरमा आगो लगाइ आत्मदाह गरेको इलाका प्रहरी कार्यालय गौरादहले जनाएको छ ।

आज  बिहान करिब ४ बजेको समयमा उक्त घटना भएको प्रहरीले जनाएको छ । बन्द कोठामा रोशनले आफैले आफैलाई आगो लगाएको उनका आफन्तले बताएका छन्। 

४ वर्ष अघि विवाह बन्धनमा बाँधिएका रोशनका एक छोरा छन् । घटनाको जानकारी पाए पश्चात् नजिकै रहेको इलाका प्रहरी कार्यालय बाट सुरक्षाकर्मीको टोली घटनास्थलमा पुगेको छ । 

घटनाको बारेमा थप अनुसन्धान अगाडि बढाइएको प्रहरी श्रोतले जानकारी दिएको छ ।