काठमाडौं ।  शिक्षकहरुको दोस्रो दिनको आन्दोलन आज पनि राजधानीमा जारी छ।

बुधबारदेखि सुरु भएको आन्दोलनलाई आज पनि सामुदायिक स्कुल बन्द गर्दै शिक्षकहरुले आन्दोलन जारी राखेका हुन् ।

आज बिहान गृह मन्त्रालयमा शिक्षक र  सरकारसँग भएको वार्ता निष्कर्षविहीन भएपछि फेरि शिक्षकहरुले माग पूरा गराउन आन्दोलन जारी राखेका हुन् ।

नेपाल शिक्षक महासंघले विभिन्न १८ बुँदे माग राखि असहमति जनाउदै सरुवा बढुवा, दरबन्दी, स्थानीय पालिकाअन्तर्गत नबस्ने बताउँदै आन्दोलन सुरु गरेको हो।

शिक्षा विधेयकको विरोधमा देशभरबाट आएका शिक्षकहरु नेपाल शिक्षक महासंघको नेतृत्वमा सरकारद्वारा दर्ता गरिएको शिक्षा विधेयकको विरोधमा आन्दोलनका लागि हजारौं शिक्षकहरु काठमाडौँ आएका हुन् ।