नवलपरासी (पश्चिम )।  आफ्नै देवरले भाउजूको हत्या गरेको आरोपमा प्रहरीले नवलपरासी पश्चिमबाट एक जनालाई पक्राउ गरेको छ। 

प्रहरीले रामग्राम -१० मंझरियाकी २५ वर्षीया भाउजू मिरा चौधरीको हत्या आरोपमा २७ वर्षीय देवर चन्दन चौधरीलाई गए राति पक्राउ गरेको नवलपरासी पश्चिमका प्रहरी प्रमुख एसपी काजी कुमार आचार्यले जानकारी दिएका छन् ।

एसपी आचार्यका अनुसार देवर र भाउजूबीच जग्गाको विषयमा विवाद भएर  झगडा हुँदा देवर चन्दनले  मोटरसाइकलको शकरले भाउजूको  टाउकोमा हिर्काएका थिए । 

टाउकोमा चोट लागेर गम्भीर घाइते भएकी मिराको उपचारकोमेडिकल कलेज भैरहवा रूपन्देहीमा उपचारको मृत्यु भएको एसपी आचार्यले जानकारी दिएका छन् ।

प्रहरीले पक्राउ परेका चन्दनसँग घटना बारेमा थप अनुसन्धान प्रक्रिया अगाडि बढाएको छ।