काठमाडौं । जल तथा मौसम विज्ञान विभाग, मौसम पूर्वानुमान् महाशाखाले  कोशी,  मधेश,  बागमती,  लुम्बिनी  र  कर्णाली  प्रदेशका  केही  स्थानहरूमा  हल्का  देखि  मध्यम  वर्षा  भइरहेको  जनाएको छ।

महाशाखाले आज दिउँसो  देशभर  आंशिक  देखि  सामान्य  बदली  रही बागमती,  गण्डकी,  लुम्बिनी र सुदूरपश्चिम प्रदेशका  केही  स्थानहरू  तथा  बाँकी  प्रदेशका  थोरै  स्थानहरुमा  मेघ  गर्जन  र चट्याङ्गसहित वर्षाको  सम्भावना  रहेको जनाएको छ।

साथै  लुम्बिनी र सुदूरपश्चिमका   एक-दुई  स्थानमा  भारी  वर्षाकोसमेत  सम्भावना  रहेको  छ। 

मधेश  प्रदेश  लगायत  बागमती,  गण्डकी  र  लुम्बिनी  प्रदेशका  तराई  भू-भागका  थोरै  स्थानहरुमा  हावा-हुरीको  पनि  सम्भावना  रहेको महाशाखाले जानकारी दिएको छ।

त्यस्तै राति बागमती,  गण्डकी  र  सुदूरपश्चिम  प्रदेशका  केही  स्थानहरूमा  तथा  बाँकी  प्रदेशका  थोरै  स्थानहरुमा  मेघ  गर्जनरचट्याङ्ग  सहित  हल्का  देखि  मध्यम  वर्षाको  सम्भावना  रहेको  छ भने  मधेश, गण्डकी,  लुम्बिनी र सुदूरपश्चिम प्रदेशको  एक-दुई  स्थानमा  भारी  वर्षाको  समेत  सम्भावना  रहेको  छ।

वर्षाका कारण आउन सक्ने बाढी र पहिरोबाट सतर्कता  अपनाउन महाशाखाले आग्रह  गरेको छ।